""دعـــــــــاة اخـــــر زمــــن ""
ــــــــــــــــــــــــــ
ربى اللحيه
ومسك السبحه
وطلع على القنوات اياها
ذاكر آيتين
وحفظ حديثين
ومضى عقده وياها
طلع على الشاشه
بكل بشاشه
قال بسم الله الرحمن الرحيم
قلنا بس هيقول كلام حكيم
تلى علينا الايات
قلنا ده راجل كله بركات
قال "" قال الله وقال الرسول ""
قلنا اكيد بعد كده جاى كلام معقول
دخل فى الموضوع على طول
فضل يقول ويقول
كلام من الشرق والغرب
ويزعق وكأنه فى حرب
طيب الصبر يا رب
قال هنتكلم على التعداد
تعداد ايه؟ تعداد سكان ؟ كويس هيحل ازمه
طلع تعداد زوجات
ايــــــه !!!!!!!!!! وده وقته ده موضوع مالوش اى لازمه
طلعنا بينا فاصل
كويس ناخد نفسنا ..ماكناش هنقدر نواصل
رجعنا تانى بعد الفاصل عشان نواصل
يييييييييييييييه مالحقناش
ده حتى انفسانا ما اخدناش
الظاهر سمعنا
وحب ينتقم منا
قال خلينا فى اللى بيحصل
قلنا كويس رجع لعقله من تانى
واتكلم وياريته ماكان رجع بعد الفاصل تانى
ده بيقول على الشهدا بلطجيه
وبيشتم على اللى قدام الداخليه
ايه ده هو شيخنا فلول :(
لالا مش معقول
ايه اللى بتقوله ده يا شيخ فلان ؟
جننتنا جيبتلنا السطل والتوهان
بقى ده الاسلام ؟
ولا انت بتألف بمزاجك اى كلام ؟
يتقول الحق
يا تنقطنا بالسكات وتبقى تمام تماااااام
ــــــــــــــــــــــــــ
بقلم بنت مسلمه عانت من هؤلاء
ياسمين عفيفى
ليست هناك تعليقات:
إرسال تعليق