كان ياما كان
يحكى انه فى قديم الزمان
كان فى بلد كلها خير وامان
حكمها رئيس ضميره تعبان
خلاها تعانى الفقر والحرمان
سرق الاراضى ونهب العمران
والمرتبات بالعافيه وكأنه علينا منان
وملى المعتقلات بالساسه والاخوان
واقتصادها مااااااااااااااااااااااااا
والتعليم خلاص بقى فى النسيان
والبطاله انتشرت والشباب مالوش كيان
وكان بيهدى الغاز للعدو يمارس علينا العدوان
وكان الفساد فى عهده اشكال والوان
وفجأه ثار الشباب الجدعان
جمعوا بعض ونزلوا الميدان
تشوف هتافهم تقول بركان
جه العدل وقتل فيهم الجبان
وامن الدوله اشعل فيهم النيران
بس صمدوا وسقطوا الرئيس الغلبان
وحكم المجلس وقال هحكم بالعدل والميزان
لاقينا حكمه كله جنان فى جنان
وتشكلت الوزاره وجالنا العيسوى بتصريحاته اللى تجيب غثيان
والرئيس وحاشيته فى طره مافيش عقاب وبيدلعوا كمان
والبلطجيه انتشروا فى كل مكان
ورجع الوضع فى مصر كما كان
كوسه وبدنجااااااااااان
امتى يامصر ترجعى زى زمان ؟
بلد حب وخير واطمئنان
نفسى نشوف رئيس زى اردوغان
لسه ما خلصتش القصه
بكره نكتب النهايه يا اخوان
ـــــــــــــــــــــ
ياسمين عفيفى
ـــــــــــــــــــــــــــــــــــــــــــ
ورجعنا تانى لحكايات كان يا ما كان
وللحكايات اللى بتجيب هبل وتوهان
وقفنا فين؟
ممممممممم عند الانتخابات
وجت الانتخابات واتشكل البرلمان
وفرح الشعب وهلل
اصله على نياته وغلبان
وانعقدت اول جلسه وكان ما كان
يلا نعديها دول سنه اولى برلمان
بعد عهود من حجب الديموقراطيه والحرمان
واستنينا يفتحوا نفسنا لكن خذلونا خذلان
كان الهرج والمرج فى الجلسه العنوان
وقال ايه بيتقوا ربنا ووقت الصلاه يأذنوا الاذان
اتريها تسليه ومضغ لبان
هو علشان كده بتجتمعوا يا جدعان ؟
ما علينا هى يعنى جت على جلسات البرلمان
وتفتح باب الترشح
وآآآآآآآآآآآآآه لما تفتح
الشعب كله اقدم اوراقه اشكال والوان
تقولوش سباق فى طابور عيش
مش رئاسه ومسؤليه كمان
والفلول سابقوا والنا موسى وشفيق والثعلب سليمان
والاسلاميين اتفتتوا فى كل مكان
ولا انصار الشيخ حازم فاكرين نفسهم بيجاهدوا
هتافات وصراخ وعويل فى كل مكان
اكتب ايه ولا ايه بس يا اخوان
دى القصه كبيره ولسه ما انتهتش
والنهايه لسه
اعلم بيها الرحمن
ــــــــــــــــــــــــــ
ياسمين عفيفى
ليست هناك تعليقات:
إرسال تعليق