ناس عايشه فى الدنيا تكوش
وناس عايشه تبخل وتحوش
وناس تانيه عقلها من الهم مشوش
ناس عايشه حلق حوش
وناس تانيه حقها فى الدنيا شوية قروش
وناس تاخد حقوق ناس بضمير مغشوش
وناس عصافير عايشين الدنيا جنه
وناس شيفاها غابه بعيون وحوش
وناس ضحكتها كدابه والوشوش غير الوشوش
ناس تدوس على ناس وما يهتموش
والناس الحق قدامها وما تبصلوش
وناس ماشيه صح وعارفه طريقها
وناس تايهه عنه وما تعرفوش
وهى دى دنيتنا وهو ده زمانا
لكن الخير هيفضل على جداره منقوش
مع ارق تحياتى
ياسمين عفيفى
ليست هناك تعليقات:
إرسال تعليق