رئيسنا الاسلامى
حس بيا خفف الامى
ده الشارع بقى بيتى فيه منامى
وعيشتى ضنك والفقر ضلم ايامى
مش شايف اهلى ولا اولادى
مش شايف غير الموت قدامى
يا رئيسنا الاسلامى
طمنى معاك على ايامى
هو انا اقل من الفنان اللى طمنته
ولا من العسكرى اللى كرمته
ولا من الساسى اللى قابلته ؟
بتقولوا هتبطقوا الشريعه
طب الاول شيل من قلبى الوجيعه
عارف لوسرقت هتقطع ايدى
طب اكلنى وأوينى الاول ياسيدى
ده الجريمه ما اتولدت بيها
ولا السرقه دم بيجرى فى وريدى
ده انا لولا شايل هم ابنى ماكنتش طولت ايدى
يا ترى احنا فى مشروعك ياريس ؟
ولا مشروعك خيال مهيس ؟
عندك حق ماتحسش بينا
اولادك ما جعوش زينا
ولا ضاقت الدنيا بيكم يوم زى ماضاقت بينا
احكم عليا باللى تشوفوا
انا الخوف نسيته من زمان ونسيت حروفه
صلى فى المسجد براحتك
صلاتك عمرها ما هتشيل عنك امانتك
